مشترياتي من موقع Cherry Culture

السلام عليكم والرحمه

من اقل من شهر طلبت من موقع Cherry Culture
الموقع فيه China glaze, Nyx , Eyeko, Milani, Beauty Blender وكثير ماركات مو معروفه عندنا

طبعا تشينا جليز معروفه بمناكيرهم الجميل 
ومو موجود عندنا الا يمكن بالصالونات الكبيره
قلت فرصه اطلب منهم وكان عندهم خصم على اغلب الكولكشنات 
صار السعر 3.99$ بدل 5.40$ و 4.20$ 
وهذا صوره الشحنه يوم وصلت بالانستقرام



طبعا الوان المناكير كثيره ومغريه
طلبت 13 حبه منهم واعجبني واحد من نيكس مناكير قليتر قلت احطه فوق الالوان
وطبعا لابد من بعض التناتيف مع الطلب XD 

طلبت البلاشر الكريمي من نيكس كذا وحده مدحته لي
و روج مات وقلوس مات ومحدد شفايف وكحل كلهم من نيكس
طبعا كولكشن نيكس بالموقع فرررررق عن اللي عندنا فيه اشياء والوان مانزلت عندنا 

وطبعا جاني هديه من الموقع مرطب شفايف من نفس ماركه الموقع


هذا صور للاغراض وجنني تصوير المناكيرات بالانعكاسات

 وانه بالتصوير ماتطلع درجه اللون المضبوطه 

وهذي صوره من فوق للمناكيرات XD 






وهذي التناتيف D:
  


ان شاء الله بعدين بسوي ريفيو كامل للاغراض بعد التجربه مع سواتشات لهم وكل المعلومات عنها 

----------------------------------------------------------------------------------------

ملاحظات مهمه عند الطلب من هالموقع

بما ان شركات الشحن مثل ارامكس والووردشيب يرفضون يشحنون مناكير فااخترت الشحن دايركت للسعوديه

الموقع طلب مني صوره للفيزا والبطاقه الشخصيه لصاحب الفيزا وسالت البنات اللي جربوا يشترون من هالموقع قالوا انهم ماطلبوا منهم هالاثباتات لانهم دايم يشحنون على امريكا 

بالنسبه للعنوان الموقع يتعامل بالشحن والتوصيل مع البريد الامريكي فبالتالي لازم تحطين عنوان بريدي صحيح انا حطيت العنوان بريد ابوي بس انا غلطت ماعدلت الاسم فصار مثل الاسم اللي سجلت فيه بالموقع وبالتالي يوم وصلت للسعوديه البريد كانوا بيرجعونها لـ امريكا بس واحد من قرايبي بالبريد وحل المشكله 

يعني اذا فكرتوا تطلبون من الموقع والشحن دايركت للسعوديه انتبهوا جداااا للعنوان اللي تحطون

و الاسم يصير نفس الاسم المسجل عليه صندوق البريد عند البريد السعودي