السلام عليكم
كيفكم وازيكوا :)
مشتاقه لكم حيييييل هالمره طولت بالغيبه
اخر تدوينه من قبل 8 شهور باآخر يوم من السنه الماضيه
كان ودي تكون العوده قبل بس طوال الفتره الماضيه كنت مشغوله آوووي :)
هالعموم احنا عيال اليوم وان شاء الله العوده بتكون قويه
طبعا ماانحرم من تعليقاتكم وارائكم واقتراحاتكم لمواضيع جديده
نخش بالعميق
طبعا مبين من العنوان تدوينه اليوم عن مفضلات الشهر اللي طاف
ببدا بمنتجات الجسم
من اليمين وهل يخفى القمر الشاور جل الكريمي Clean on me من سوب اند قلوري
طبعا بما انه شاور جل ( كريمي ) فهو يرطب الجسم طبعا هالترطيب مايغني عن ترطيب الجسم بعد الشاور
ريحته جايه على سويت وليمون وخوخ و روز وقاردينيا وياسمين طبعا هالمكس عجيب على ان ريحته قويه شوي بس جمييله جدآآ
طبعا بعد مااستخدامه احب استخدم معه مجموعه السويت الكامليليا من زهور الريف طبعا اللي معجبن من المجموعه
هو من اليسار كريم بخاخ و سبراي الجسم وبودره الجسم والديودرنت اما الشاور جل شاريته من زمان ولا اعجبني بس من فتره جتني هالمجموعه هديه بدون الشاور جل وحبيت الريحه كثير بالاخص مع شاور جل كلين او مي
طبعا من اسمه باينه ريحته
والاخير من منتجات الجسم اللي فوق كريم Gorgeous feet من بوتس
من فتره صار فيني جفاف وتشققات بقدمي بسبب جزمة البيت واستخدمت هالكريم وماشاء الله ادى المطلوب استخدمه قبل انام مع شراب ( جوارب )استخدمته ٣ مرات وساعد كثير بحل المشكله
ننتقل لباقي المنتجات
من اليمين واقي الشعر من حراره السريتنر او الفير من بوتس
عارفين الشهر اللي طاف فتره العيد وطلعات و زيارات فكنت استخدمه قبل مااسوي شعري طبعا حمايته مو واو
بس اللي حببني فيه ريحته
اللي بعده روج مات من سليك درجته Plush لونه مررره جميل جاي توتي على فوشي
هذا سواتش له من النت
بعده عطر من انفاسك دخون اسمه انفاسك واو
بنهايه رمضان وايام العيد ادمنته واخلطه مع عطوري بالعاده بس له بصمه مع مكس العطور اللي اسويه والبخور
حتى ريحته لوحده رهيبه
طبعا ريحته شرقيه والعنبر طاغي فيه ريحته اول ماارشه عاديه جدا وباين اكثر شي العنبر بس بعد مايبرد يطلع خرافي مع اني مو صحبه مع العنبر بس حبيته كثييير
بعده مزيل المكياج من بايوديرما
للبشره المختلطه والدهنيه حبيته اكثر من الوردي
واللي فوقه فواحه ريما
ريحته شرقيه وعلى عود وطبعا اللي يعرف عطر ريما فهو نفس الريحه
وبالاخير يسار حبيب الكل باليت نيكيد 1
ومايحتاج اتكلم عنه لانه معروف
وتحت بالاخير فير من Herstyler مقاس 1½ بما انه الحجم الكبير فهو يعطي ويفي على ريترو يسوي الشعر تمويجه حلوووه الحراره فيه درجتين وحرارته مرررره ممتازه استخدم قبله واقي بوتس
------------------------------------------------------------------------------------------------------------
عن المنتجات :
- شاور جل Clean on me شريته من بوتس دبي مول وناسيه كم سعره وموجود الان ببوتس السعوديه
- مجموعه السويت كاميليا من زهور الريف ومدري بكم لانه جايني هديه بس معروفه اسعار زهور الريف اسعاره مناسبه
- كريم Gorgeous feet من بوتس هم بعد ناسيه سعر بس اللي اتذكره انه مو غالي ودايم يكون عليه عرض تشترين حبتين والثالثه مجانا
- بخاخ الشعر كمان من بوتس وسعره بالاربعين ان ماخاب ظني
- روج سليك Sleek طالبته من موقعهم ب 6.49 $
- عطر انفاسك واو من انفاسك دخون من كشك بمول بالامارات وسعره اكثر من 300 درهم وطبعا لهم اكشاك بمولات السعوديه
- مزيل مكياج بايوديرما من بوتس ب 72 درهم
- فواحه ريما من الماجد للعود ب 20 ريال اوقات التخفيض بدون التخفيض ب 40 ريال
- باليت نيكيد جايني هديه بس سعره بموقع سيفورا 50 $
- فير Herstyler هو جاي ست 3 احجام للفير وستريتنر شاريتهم من امازون 68.30 $
اي اقتراحات او اراء
راسلوني
آآآحبكم 3>
